1915 жылғы 4 мамырда Павлодар облысы Баянауыл ауданында дүниеге келген.
Ғылыми дәрежесі: педагогика ғылымдарының докторы
1941 жылғы желтоқсанда қарулы күштер қатарына қатардағы жауынгер ретінде шақырылды. 1943 жылға дейін артиллериялық бригада құрамында соғысты, майдандағы жауынгерлік әрекеттерге қатысты. Алғы сапта бола тұра, майдан газетіне хабарлар жіберіп тұрды. Оның журналисттік қабілеттері байқалып, кейін «Красная Армия» майдан газетінің штатына корреспондент-ұйымдастырушы болып ауыстырылды, офицерлік атақ алды. Украинаны, Польшаны азат етуге қатысты, соғысты Берлинде аяқтады, бұл жерде 1947 жылы демобилизацияға дейін борышын өтеді. Жауынгерлік еңбегі үшін Қызыл жұлдыз және Ұлы Отан соғысы ордендерімен, «Сталининградты қорғау үшін», «Варшаваны азат еткені үшін» және «Германияны жеңгені үшін» және басқа да көптеген мерейтойлық медальдармен марапатталды.
Т. Ақшолақов өмірін ғылыми-педагогикалық және ағартушылық жұмысқа арнады. 1948 – 1951 жж. Павлодар облысы білім беру бөлімін басқарды, 1958 – 1962 жж. – «Қазақ тілі мен әдебиеті» журналының бас редакторы, 1962 – 1965 жж. – «Мектеп» баспасының басшысы, 1965 – 1995 жж. – Абай атындағы Қазақ педагогикалық институтында (қазіргі Абай атындағы Қазақ ұлттық педагогикалық институты) басшының орынбасары, бөлім басшысы, аға ғылыми қызметкер. Профессор Т. Ақшолақов Ы. Алтынсарин, А. Жұбанов, А. Ситдыков, Ш.Кәрібаев және басқа да қазақ ағартушылары ісінің жалғастырушысы болып табылады. Ол қазақ жастарына білім және тәрбие беруге айтарлықтай үлес қосып, «ұстаздардың ұстазы» аталып кетті, «Қазақ әдебиеті» оқулығының бірінші авторы, 200 – ден аса ғылыми жұмыстардың авторы, олардың 6 монография. Ы.Алтынсарин медалімен (1965), «Тарлан» сыйлығымен (2000) марапатталды.
Негізгі еңбектері: «Шығарманың көркем компоненттерін оқыту» (1968), «Көркем шығарманың эстетикалық табиғатын таныту» монографиясы (1975), «Көркем шығарма талдау жасау» монографиясы (1983), «Шығарманың көркем айшықтарын таныту» зерттеуі (1994, 1998).
Әдебиеттер тізімі:
Акшолаков Т. О, как я мечтал увидеть ее!: [о народной певице и композиторе Майре Шамсутдиновой]. // Әнші Майра: Павлодар, 2010. – С. 241 – 244
***
Акшолаков Т. О, как я мечтал увидеть ее!: [о народной певице Майре Шамсутдиновой] // Казахстанская правда. – 1996. - 28 июня